Bømlo Teater ser fram i mot ein ny sommar med musikal i Moster Amfi. Denne gongen er det noregspremiere på Kristina frå Duvemåla. Framsyningar er frå 4.-14. august kl 21.00.
Billettsalet til framsyninga er godt i gong. Med bakgrunn i dei til ei kvar tid gjeldande restriksjonar, har me pr i dag berre 400 billettar tilgjengelege til kvar framsyning (av 1050). Dette unummererte plassar. Derfor bør ein sikra seg billettar før dei forsvinn!
Me vil gjere alt me kan for å sikre eit trygt arrangement, og skulle det opne opp for fleire publikum etterkvart legg me ut fleire billettar fortløpande – og sjølvsagt refundere billettar om me må avlyse.
Me i Bømlo Teater gler oss til endeleg å kunne ta imot publikum, og håpar å gje dykk ei magisk oppleving i vakre Moster Amfi!
Billettar: Ticketmaster.no