Bømlo Teater

Jostein Kirkeby-Garstad kjem tilbake til Bømlo sommaren 2018 for å ha regi og koreografi på den storslåtte klassikaren Evita i Moster Amfi 8. August! Han var koreograf for Bømlo Teater sin produksjon av Chess i 2006.

Jostein er ein erfaren regissør og koreograf som har jobba ved mellom anna Det Norske Teatret, Torshovteatret, Kilden Teater – og Konserthus, Haugesund Teater og Nordland Teater.

I 2005 debuterte han som regissør på Haugesund Teater, året før han var koreograf på Chess i Moster Amfi, ein fullversjons-produksjon med 90 profesjonelle og amatørar på scena. Han har mellom anna hatt regi på Doktor Proktors Prompepulver på Kilden, Hakkebakkeskogen i Dyreparken, Skjønnheten og Udyret på Christiania Teater, Annie på Folketeateret og Eg elskar deg, du er heilt perfekt… på Det Norske Teateret i 2012. Han har vore koreograf på framsyningar som The Sound of Music på Kilden, Rocky Horror Show på Nordland Teater og Verdiløse menn på Torshovteatret.

Han har bakgrunn som skodespelar, og byrja tidleg i scenekarrieren å jobba i det private feltet. Han jobba som koreograf og produksjonsleiar, og var med på starten til artistar som Ylvis, Raske Menn og Nordic Tenors. Jostein jobbar tett med Kristiansand Dyrepark og er regissør, manusforfattar og konseptutviklar for parken sine versjonar av Hakkebakkeskogen, og Kardemommeby.

Me har fått ein erfaren scenekunstnar på laget og gler oss til endå eit godt og kreativt samarbeid!

Bømlo Teater er stolte over å presentere Evita, som neste stormusikal i Moster Amfi!

For fyrste gong vil Evita bli satt opp i fullversjon på ei utescene i Noreg. Framsyninga er skriven av Andrew Lloyd Webber og Tim Rice og går inn i rekkja av verdskjende musikalar som Bømlo Teater har gjort så langt: Jesus Christ Superstar, Les Misérables, Chess, Miss Saigon og West Side Story, sistnemde i 2014.

På rollelista står blant anna Lisa Stokke som Evita, André Søfteland som Che og Espen Hans som Juan Perón. I tillegg er det eit ensemble på 50, både profesjonelle og amatørar.

Musikalen skildrar livet til fattigjenta som enda opp som ikonet Evita. Maria Eva Duarte er betre kjent som Eva Perón og er sjølv i dag, 65 år etter sin død, hylla som ein helgen i heimlandet Argentina. Som 27-åring gifta ho seg med den komande president Juan Perón og vart ei av verdas mektigaste kvinner, og sett på som landet sin åndelege leiar. Ho var forakta av overklassen men forguda av folket. Evita kjempa for kvinners stemmerett og for dei fattige, som såg henne som ein helgen allereie før ho døydde, berre 33 år gamal. Det brennande engasjementet ho synte, politiske metodar ho nytta og viljen til makt i kombinasjon med hennar skjønnheit har gjort ho til ei legende.

Musikalen er gjennomkomponert og inneheld kjende songar som mellom anna Don´t Cry for Me Argentina, Another Suitcase in Another Hall, High Flying Adored, Buenos Aires og Oh What a Circus. Bømlo Teater si framføring vert gjort på nynorsk.

Som i tidligare musikalar vil det vera full orkesterbesetning. På scena vil ein sjå eit stort ensemble med ei blanding av profesjonelle og amatørar. Me har stor lokal forankring blant dei involverte.

Me gleder oss til å laga ein ny storslått musikal i Moster Amfi 8.-18 august. Me ynskjer publikum hjarteleg velkommen til ei magisk oppleving 8.- 18. august 2018!

Billettar: ticketmaster.no

For å kontakte Ticketmaster: 22 82 81 49 (Grupper) 22 82 81 97 (Enkeltbestillingar og rullestolplass)

 

Billettar: bomlo.net

Det er med glede me kan presentere ein ny skodespelar til årets framsyning av I slik ei natt, som har nypremiere fredag 2. juni og som spelast i pinsehelga.

Håkon Karoliussen frå Haugesund vil i år gjera rolla som Rane, Olav Haraldsson sin fosterfar. Håkon er utdanna ved Bergen Teaterskole.

Ved Haugesund Teater har han mellom anna vore med i Edderkoppkvinnens kyss, Et dukkehjem, Annie og Marve Fleksnes, og no sist sett i Sånne som oss, og Peter Pan. Håkon var også med i Scenekrafts produksjonar Havet har meg, Rabinowitz og Heks. Våren 2011 var han med i filmen På bølgelengde.

Håkon har òg jobba ved mellom anna Nordland Teater, Rogaland Teater, Trøndelag Teater, Riksteateret, Nationaltheatret og Den Nationale Scene. I 2004 var han med i vår oppsetning av Les Miserables. Det er fryste gang Håkon er med i Mostraspelet og me ynskjer han hjarteleg velkommen til Bømlo Teater og Mostraspelet – I slik ei natt.

Billettar på bomlo.net